આદિજાતિના કાયદા સ્નાતકોને આર્થીક સ્ટાઇપેન્ડ સહાય આપવાથી આ હરીફાઇના યુગમાં અન્ય વકીલોની સરખામણી માં સ્ટાઇપેન્ડ મેળવી જીવન ધોરણ ઉંચું લાવી શકે. અને પગભર થઇ શકે. અનુસુચિત જનજાતિના કાયદાના સ્નાતકોને વકીલાતનો સ્વતંત્ર ધંધો શરુ કરવા માટે લોન/સહાય (બીસીકે-૧૩૬) સને ૨૦૦૦-૦૧ થી સદર યોજના સરકારશ્રી દ્વારા કોર્પોરેશનને તબદીલ કરવામાં આવે છે.
આદિજાતિના કાયદાના સ્નાતકો માટે યોજના
આ યોજના હેઠળ આદિજાતિ યુવક-યુવતીઓને કાયદાનો અભ્યાસ કાર્ય બાદ બે વર્ષમાં સનદ મેળવી હોય તેવા યુવક-યુવતીઓ માટે રૂ. ૨૮,૮૦૦/- સ્ટાઇપેન્ડ તરીકે આપવી જોગવાઈ અમલમાં છે. આ યોજના હેઠળ જુનિયર વકિલને પ્રથમ વર્ષે માસિક રૂ.૧૦૦૦/- લેખે. બીજા વર્ષે માસિક રૂ.૮૦૦/- લેખે. તેમજ ત્રીજા વર્ષે માસિક રૂ.૬૦૦/- પ્રમાણે કાયદાના સ્નાતકોને સ્ટાઇપેન્ડ આપવામાં આવે છે. જે સિનિયર વકિલના હાથ નીચે તેઓ પ્રેકટીસ કરે છે તે સિનિયર વકિલને માસિક રૂ.૫૦૦/- લેખે, ત્રણ વર્ષ સુધી રૂ.૧૮,૦૦૦/- એલાઉન્સ તરીકે આપવામાં આવે છે .
લાયકાત અને પાત્રતા
આદિજાતિના કાયદાના સ્નાતકો માટે જરૂરી લાયકાત અને પાત્રતા નીચે મુજબ ધરાવતા હોવા જોઈએ;
- અરજદાર આદિજાતિનો હોવા અંગેનો દાખલો/પ્રમાણપત્ર મદદનીશ કમીશ્નરશ્રી તકેદારીનું રજુ કરવાનું રહેશે.
- અરજદાર કાયદાના સ્નાતક હોવા જોઇએ. ૩. સીનીયર વકીલના હાથ નીચે પ્રેકટીસ કરતા હોવા જોઇએ.
- સીનીયર વકીલના પ્રેકટીસનો ઓછામાં ઓછો. ૭ વર્ષનો અનુભવ હોવો જરૂરી છે.
- આવકની કોઇ મર્યાદા નથી.
કુલ ધિરાણ
- ₹.૨૮,૮૦૦/-
ધિરાણ મર્યાદા
- પ્રથમ વર્ષે માસિક રૂ. ૧૦૦૦/- લેખે રૂ. ૧૨૦૦૦/-
- બીજા વર્ષે માસિક રૂ. ૮૦૦/- લેખે રૂ. ૯૬૦૦/-
- ત્રીજા વર્ષે માસિક રૂ. ૬૦૦/- લેખે ૨. ૭૨૦૦ –
- સીનીયર વકીલને માસિક રૂ. ૫૦૦/-લેખે ૩ વર્ષનું રૂ.૧૮૦૦૦/- નું એલાઉન્સ મળવાપત્ર છે.
લાભાર્થી ફાળો
- આ યોજનામાં લાભાર્થી ફાળો ભરવાનો રહેતો નથી.
વ્યાજનો દર
- વ્યાજની રકમ નીલ (શૂન્ય)
લોન પરત કરવાનો સમય ગાળો
- સ્ટાઇપેન્ડ પરત કરવાનું રહેતું નથી.
- મંજુર કરવામાં આવેલ સહાય /સ્ટાઇપન્ડ સીનીયર વકીલના પ્રમાણપત્રના આધારે છ માસિક ધોરણે ત્રણ વર્ષ સુધી (તાલીમના સમયગાળા દરમ્યાન) ચુકવવામાં આવે છે.
અરજી કોના દ્વારા મોકલવી?
- આદિજાતિના વિસ્તારના અરજદારે જે તે વિસ્તારના પ્રાયોજના વહીટદારશ્રીની ભલામણથી દરખાસ્ત મોકલવાની રહેશે. જયારે બિન આદિજાતિના અરજદારે મદદનીશ કમિશ્નર આદિજાતિ ધ્વારા દરખાસ્ત કોર્પોરેશનને મોકલવાની રહેશે.
અરજી મેળવવાનું સ્થળ
- જે તે આદિજાતિ વિસ્તારના પ્રાયોજના વહીટદારશ્રીની કચેરી ગુજરાત આદજાતિ વિકાસ કોર્પોરેશન અથવા કોર્પોરેશનની વેબ સાઇટ https:// adijatinigam.gov.in પરથી મેળવી શકાશે.
આદિજાતિના કાયદાના સ્નાતકો વિશેની માહિતી અંગે કોઈ પ્રશ્ન હોય તો Comment માં લખીને જણાવી શકો છો.
